Xəbərlər

Azərbaycan Metrologiya İnstitutunda elektromaqnit çirklənmə ilə bağlı ölçmələr aparılıb

30.05.2025

Azərbaycan Metrologiya İnstitutunda (AzMİ) yüksək gərginlikli elektrik xətləri və mobil rabitə operatorlarına məxsus baza stansiyalarında yaranan elektromaqnit çirklənmənin miqdarı ölçülüb.

Türkiyə Elmi və Texnoloji Tədqiqat Təşkilatının Milli Metrologiya İnstitutunun (TÜBİTAK UME) mütəxəssisləri ilə birgə aparılan ölçmələr ELT 400 (1 Hz - 400 kHz) maqnit sahəsi, SRM 3006 (27 MHz - 3 GHz) selektiv elektrik sahəsi, FieldMan (100 kHz - 18 GHz) geniş ölçülü elektromaqnit sahəsi analizatorları vasitəsilə yerinə yetirilib.

Qeyd edək ki, AzMİ-nin Radiotezlik gücünün və paylanma parametrlərinin ölçmələri laboratoriyasında həmçinin ölçmə intervalı 100 kHz - 50 GHz olan cihazların yansıma və ötürmə nisbətlərinin (S-parametrləri) ölçülməsi də həyata keçirilir.