AzMİ-də Bosniya və Herseqovina Metrologiya İnstitutunun nümayəndəsi ilə görüş keçirilib

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Metrologiya İnstitutunda (AzMİ) Bosniya və Herseqovina Metrologiya İnstitutunun (IMBIH) direktorunun elmi metrologiya üzrə köməkçisi prof. Zijad Džemić ilə görüş keçirilib.

Görüş zamanı AzMİ-nin mövcud laboratoriya infrastrukturu, burada icra olunan işlər, beynəlxalq təşkilatlarla əməkdaşlıq, eləcə də kadr potensialının gücləndirilməsi məqsədilə həyata keçirilən tədbirlər barədə ətraflı məlumat təqdim edilib. Həmçinin tərəflər birgə fəaliyyət imkanları, qarşılıqlı maraq doğuran istiqamətlər və gələcək layihələrin reallaşdırılması perspektivlərini ətraflı müzakirə ediblər.

Daha sonra prof. Z.Džemić AzMİ-nin etalon laboratoriyalarına baxış keçirib, laboratoriyaların ölçmə və kalibrlənmə imkanları və tətbiq sahələri barədə məlumatlandırılıb.