AzMİ-də Elmi-Tədqiqat Aerokosmik İnformatika İnstitutunun nümayəndələri ilə görüş keçirilib

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Metrologiya İnstitutunda (AzMİ) Milli Aerokosmik Agentliyinin Elmi-Tədqiqat Aerokosmik İnformatika İnstitutunun rəhbər heyəti ilə görüş keçirilib.

Görüş zamanı AzMİ-də görülən işlər, həyata keçirilən yeni layihələr, laboratoriya infrastrukturu və beynəlxalq əməkdaşlıqlar barədə məlumat verilib. Qeyd olunub ki, burada kadr potensialının gücləndirilməsi və innovativ tədqiqat mühitinin formalaşdırılması istiqamətində mühüm addımlar atılıb. Tərəflər həmçinin birgə elmi-tədqiqat işlərinin həyata keçirilməsi imkanları ilə bağlı fikir mübadiləsi aparıblar.

Daha sonra AzMİ-nin vaxt və tezlik, elektromaqnit çirklənməsi, paylanma parametrləri və radiotezlik gücü, temperatur və xətti-bucaq ölçmələri laboratoriyalarına baxış keçirilib. Laboratoriyaların ölçmə və kalibrlənmə imkanları və burada istifadə olunan cihazlar barədə ətraflı məlumat təqdim olunub.