Azərbaycan Metrologiya İnstitutunun nümayəndə heyəti Rusiya Federasiyasının Sankt-Peterburq şəhərində keçirilən “Gələcək Bizimdir” III Beynəlxalq elmi-praktiki konfransda iştirak edib.

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutunun nümayəndə heyəti Rusiya Federasiyasının Sankt-Peterburq şəhərində keçirilən “Gələcək Bizimdir” III Beynəlxalq elmi-praktiki konfransda iştirak edib.

Konfrans çərçivəsində Müstəqil Dövlətlər Birliyinin Standartlaşdırma, Metrologiya və Sertifikatlaşdırma üzrə Dövlətlərarası Şurasının (МГС) təşkil etdiyi “МГС-in ən yaxşı gənc metroloqu” beynəlxalq müsabiqəsində AzMİ-nin əməkdaşı Şamxal Abbasov “Elmi metrologiya” nominasiyası üzrə 3-cü yerə layiq görülüb. Şamxal Abbasovun “Atom saatları ilə atmosferin tədqiqi” mövzusuna həsr olunan tədqiqat işində atmosferdə baş verən dəyişikliklərin atom saatının müəyyən etdiyi vaxt fərqi kəmiyyətinə əsasən qiymətləndirilməsi mexanizmi araşdırılıb.

Gənc alim və mütəxəssislərin qatıldığı müsabiqədə Azərbaycan, Belarus, Qırğızstan, Qazaxıstan, Rusiya, Tacikistan və Özbəkistanı təmsil edən 53 gənc metroloqun elmi, praktiki və rəqəmsal metrologiya sahələri istiqamətlərində elmi-tədqiqat işləri qiymətləndirilib.