COOMET TK 4 “Məlumat və Təlim” Texniki Komitəsinin növbəti 16-cı iclası keçirilir

2-3 oktyabr 2019-cu il tarixlərində Azərbaycan Metrologiya İnstitutunun (AzMİ) təşkilatçılığı ilə Bakı şəhərində COOMET TK 4 “Məlumat və Təlim” Texniki Komitəsinin növbəti – 16-cı iclası keçirilir. Tədbirdə AzMİ əməkdaşları ilə yanaşı, COOMET-ə üzv olan ölkələrin nümayəndələri iştirak edirlər.

İclasda “Metrologiya İnstitutu” Milli Elmi Mərkəzinin Baş direktoru, professor Pavel Neejmakov da iştirak edir. O, eyni zamanda COOMET TK 4 Texniki Komitəsinin sədri kimi tədbirə rəhbərlik edir.

Tədbir çərçivəsində aşağıdakı əsas məsələlər müzakirə olunacaq:

- COOMET TK 4-ün 15-ci iclasının protokollarının təsdiqi;

- 2018–2019-cu illərdə Komitənin fəaliyyəti ilə bağlı hesabatın təqdimatı;

- COOMET prezident şurasının 23-cü və komitənin 29-cu iclaslarının nəticələrinin icmali;

- 2018–2020-ci illər üçün TK 4 İş Proqramının icrası və gələcək yenilənmə perspektivlərinin müzakirəsi;

- COOMET sənədi D5.13/2012 – “COOMET TK 4 haqqında” sənədin yenilənmiş versiyasının təqdimatı və müzakirəsi;

- COOMET-ə üzv ölkələrdə metrologiya sahəsində mütəxəssislərin praktiki hazırlığı və ixtisasartırma təhsili üzrə təcrübə mübadiləsi;

- COOMET layihələrinin icra vəziyyəti və gələcək planlar.

Bununla yanaşı, COOMET alt komitələri tərəfindən də təqdimatlar təqdim ediləcəkdir. SC 4.1 “Təlim və bilik ötürmə sahəsində potensialın artırılması” və SC 4.3 “İxtisasartırma və gənc metroloqlarla iş” mövzularında məruzələr dinləniləcəkdir.