Azərbaycan Metrologiya İnstitutunun (AzMİ) nümayəndəsi Belarus Respublikasının Minsk şəhərinə səfər edib

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutunun (AzMİ) nümayəndəsi Belarus Respublikasının Minsk şəhərinə səfər edib. Səfər çərçivəsində “Standartlaşdırma, Metrologiya və Sertifikatlaşdırma üzrə Dövlətlərarası Şura”nın (МГС) Metrologiya üzrə Elmi-Texniki Komitəsinin iclaslarında, o cümlədən "Metrologiya-2024" beynəlxalq elmi-texniki konfransda iştirak edib.

MDB ölkələrinin standartlaşdırma, metrologiya, uyğunluğun qiymətləndirilməsi və akkreditasiya üzrə milli orqanları nümayəndələrinin iştirakı ilə keçirilən iclasda Belarus Respublikasının Standartlaşdırma üzrə Dövlət Komitəsi tərəfindən hazırlanmış "Dövri yoxlamanın nəticələrinin tanınması Qaydası" və digər mühüm layihələr nəzərdən keçirilib.

Həmçinin ölçmələrin vəhdətinin təmin edilməsi sahəsində normativ sənədlərin hazırlanması ilə bağlı vacib məsələlər müzakirə edilib.