Eyvaz Hüseynov

1984-cü ildə Bakı şəhərində anadan olub.

1990–2001-ci illərdə Bakı şəhəri Xətai rayonu 260 nömrəli orta məktəbdə orta təhsil alıb.

2001–2006-cı illərdə Azərbaycan Dövlət İqtisad Universitetinin Gömrük işinin təşkili fakültəsində ali təhsil alıb.

2006–2007-ci illərdə hərbi xidmətdə olub.

Əmək fəaliyyətinə 2008-ci ildə “Ekol” QSC-də mühəndis vəzifəsində başlayıb.

2010–2011-ci illərdə “AAS Ekol” MMC-də maliyyəçi vəzifəsində çalışıb.

2011–2013-cü illərdə “Azərsu” ASC-də (indiki adıyla Azərbaycan Dövlət Su Ehtiyatları Agentliyi) Layihə İdarəetmə Qrupunun direktor müavini vəzifəsində fəaliyyət göstərib.

2013–2015-ci illərdə “Sənaye-Tikinti” MMC-də direktor müavini vəzifəsində çalışıb.

2015–2017-ci illərdə Türkiyə Respublikasının Bahçeşehir Universitetində Biznesin idarə edilməsi ixtisası üzrə magistr təhsili alıb.

2017-ci ildə “Azərsu” ASC-nin (indiki adıyla Azərbaycan Dövlət Su Ehtiyatları Agentliyi) İstehsalat-Texniki Komplektləşdirmə İdarəsinin rəisi vəzifəsini müvəqqəti icra edib, həmin il idarə rəisi vəzifəsinə təyin olunub.

2017–2018-ci illərdə ABŞ-nin Corc Vaşinqton Universitetində (George Washington University) Layihələrin idarə edilməsi üzrə təhsil alıb.

2018–2024-cü illərdə Azərbaycan Dövlət Su Ehtiyyatları Agentliyinin tabeliyində fəaliyyət göstərən İri Şəhərlərin Birləşmiş Su Təchizatı Xidmətinin nəzdində Nəzarət Ölçü Cihazları İdarəsinin rəisi vəzifəsində çalışıb.

2024–2026-cı illərdə Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan “Azərbaycan Metrologiya İnstitutu” PHŞ-də baş direktorun müşaviri vəzifəsində çalışıb.

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin 6 fevral 2026-cı il tarixli əmri ilə “Azərbaycan Metrologiya İnstitutu” PHŞ-nin baş direktorunun müavini vəzifəsinə təyin edilib.

Ailəlidir, iki övladı var.