Xəbərlər

AzMİ tərəfindən “Aplus” supermarketlərində metroloji yoxlanılma həyata keçirilib

19.02.2025

Azərbaycan Metrologiya İnstitutunun (AzMİ) mütəxəssisləri tərəfindən “Aplus” supermarketlər şəbəkəsinin “Əhmədli”, “Bakıxanov” və “Ramana” filiallarında istismarda olan tərəzi və soyuducuların dövri yoxlanılması aparılıb.

Yoxlanılma çərçivəsində mağazalardakı tərəzilər nümunəvi (etalon) çəki daşları vasitəsilə dəqiqlik baxımından test edilib. Bundan əlavə, Testo 735-1 rəqəmsal termometri və K tipli termocüt vasitəsilə soyuducuların temperatur tənzimləyicilərinin düzgün işləməsi yoxlanılıb. Nəticələr əsasında yararlı tərəzi və soyuducuların üzərinə holoqram (yoxlanılma nişanı) vurulub.

Qeyd edək ki, AzMİ tərəfindən bu çərçivədə həyata keçirilən tədbirlər müəssisələrin daha dəqiq, etibarlı və təhlükəsiz xidmət göstərməsinə imkan yaradır.